Pellgu

Pellgu, pinjoll bastard i kënetës, me dërdëllitje zhabash ushqyer, nga që kishte veç llum brenda vetes, nga që s’bëhej dot lumë i rrëmbyer. Një ditë edhe shqiponjës po i thosh gjithë fodullëk e ligësi: ti sa më lart të fluturosh, aq më e vogël je për sytë e mij. Unë edhe malin, po të dua, … Vazhdoni leximin e Pellgu

Qeni gjeneral

Te një han, mbi një bregshesh, pas një lumi, nën një mal, ju s’e dini si u vesh qeni i Qukësit gjeneral. Te kjo grykë, ku mbiu ky han, pat kaluar me taborr kushedi ç’fatih sulltan, kushedi ç’dreq perandor. Ka njëmijë e nëntëqind vjet, që kur shkoi mbi urë, mbi hon, dhe Shkumbini iu duk … Vazhdoni leximin e Qeni gjeneral

Edhe te një kokërr gruri

Unë edhe te një kokërr gruri, brazduar mespërmes me rrudhëz, zbuloj një përkëdhelje burri, ndiej si merr frymë njeriu i punës. N'atë gatim, në gaz e halle të dritës, djersës, baltës, shiut, është vetë marrëveshja e madhe mes tokës, diellit dhe njeriut. Koçi Petriti Prush nëpër shekuj (1979)

Kau

Pas pune në krye të arës ulet, çlodhet e ripërtypet kau balash. Ia thith lëndina e qëndis lulet, të ndritshmet jargë si mëndafsh. I avullon djersa në shpatull, një zog mes brirëve ulet e çuket, i shkul ca lesh e rend në ndonjë hatull të thurë me të çerdhen e vet. Po një njeriu, të … Vazhdoni leximin e Kau

Lulekuqet

Nga cila zemër këtu ju keni mbirë te kjo lëndinë, anës gjoli, ç'njeri me plagë u zvarris për të pirë e ra përmbys buzë ujërave e më s'foli? Se ndërsa skuqni mbi këtë tokë të vlagët si kupa buzësh që kaltërsinë pini na bëni të mendojmë se ju veçse nga plagët, nga tjetër gjë nuk … Vazhdoni leximin e Lulekuqet

Fëmini

Shpesh rri e kruaj plagë thellë vetes, Vërsnikët shpesh ndërmënd më vinë. Për bukë misri ne tek “Furrë e vdekjes” Në radhë e ngrysëm hidhur miturinë. Kuptimin “Furrë e vdekjes” nuk e dinim, Se s’ishim aq të ditur, sa t’uritur, Por kur pa ngrënë binim që të flinim Mendoheshim për të ardhmen si të rritur. … Vazhdoni leximin e Fëmini

Bomba

Nën strehët e një shkëmbi ato i zbuloi shiu, Mbi to kishte klloçitur kaq herë porpolloku, Një ditë përmbi “lodrat” buzqeshje e diellit ngriu, Një ditë atje u zgjatën dy doçka çamarroku... Dy doçka kureshtari një dit’ atje u zgjatën, Me ligj të pakuptushëm vajtonin zogj e plepa, Me gishta të padukshëm dëshira që mbjell … Vazhdoni leximin e Bomba

Letër II

Për ty kam ndënjur von, po rri dhe sonte Vetvetes duf e mall kërkoj t'i shfrej, S'kam dashur që keqardhje të të zgjonte Një dobësi që tjetrit ia urrej... S'të lyp gjë ty me shpirt prej të sëmuri Edhe kur breng' e mall s'i shuaj dot, A do t'i shkonte, ndofta, kjo një burri Të … Vazhdoni leximin e Letër II

Në zemër

Në zemër kam kyçur mahnitjet Ndaj netëve perëndimtrëndafilta, Qiellin e spërkatur me qumësht hëne, Qiellin e arnuar me re vënde-vënde Ku yjet vështrojnë si nga dritare e muzgut. ...Në zemër ndiej botën e ardhme, Dëshira të reja si vajza të lira Që ndjellin vështrime pa frikë Si statujat e inauguruara. Në zemër kam kyçur dhe … Vazhdoni leximin e Në zemër

Mendoj e nuk fle

Po fle ti në gjirin e natës... Mbi faqe të qesh pafajësia, si flutura t'arta rreth llambës të sillen dëshirat e mija. Zgjat duart t'i kapësh në gjumë, po ikin ato, si ze dot. E si mund ta dish ti që unë mendoj e nuk fle për ty sot? Koçi Petriti Albumi i lirikave (2004)

Kali

E sollën ata nëpër natën e gjatë, e sollën Atë gjer këtu, na, merreni, thanë, ta keni dhuratë, t'i hipë më trimi nga ju! Na, merreni kalin, na hipeni kalin, përhapej një zë ogurzi, e ç'dorë e padukshme anonte vargmalin, e ç'burra po shtynte drejt tij? E s'desh dërgimtari asnjë lloj shpërblimi për kalin me … Vazhdoni leximin e Kali

Dallëndyshe

Së pari pak m’u lodhën sytë, Së pari pak, së pari pak, Se s’pashë dot një mal të dytë, Përballë mal, bunker përqark. Ah, të jem n'ëndërr, thashë e qesha, Po qeshja ime pikoi gjak, Të kapërxej ylberin desha, Përballë mal, bunker përqark. E nga që dot pas teje s’renda, Moj dallëndyshe që shkon larg … Vazhdoni leximin e Dallëndyshe