Evstrat Vithkuqari

Ç’dashka Porta e Lartë vallë, Ç’klithka Patrikana, Ku i nis kaq shumë tellallë, Ç'rrahin kaq kambana? Emrin shqip që shpall shqiptari E nëm "Hëna" e "Kryqi" Dhe mbi zverk i zbret hanxhari, Pa të shkruar gjyqi. Por pa shihni, kush papritur Del përmes pazari Dhe mbi gjoksin e shkopsitur Mban nj’emblemë ari? N’atë emblemë paska … Vazhdoni leximin e Evstrat Vithkuqari

Pellgu

Pellgu, pinjoll bastard i kënetës, me dërdëllitje zhabash ushqyer, nga që kishte veç llum brënda vetes, nga që s’bëhej dot lumë i rrëmbyer, një ditë edhe shqiponjës po i thosh gjithë fodullëk e ligësi: Ti sa më lart të fluturosh, aq më e vogël je për sytë e mij. Unë po të dua edhe malin … Vazhdoni leximin e Pellgu

E bukura

I dha krahina ç’djem që pati, e ç’burrë ish burrë u dha. E krali pret t’i shkojë te shtrati, Ajo, E Bukura. E gdhihen pleqtë shekullorë nën shekullorin rrap, që, thonë, i mbledh rrufetë në dorë e qiellit ia kthen prap. Kutitë hidhur hapin, mbyllin, as kundër dot, as pro e shpata zbret të pyesë … Vazhdoni leximin e E bukura

Të zakonshmit

Tre të zakonshëm krejt ata, atje nën galeri, të tre me të zakonshmet gra, të vetmet perëndi. Dhe galeria seç u shëmb e dihet ç’mund të ndjesh, kur rreth e rrotull ti ke shkëmb e terr që të përqesh. E terr e shkëmb me dhëmbë e thonj s’i hanin dot të tre, siç ndodh në … Vazhdoni leximin e Të zakonshmit

Monumenti

Kur thuhej se shqiptarët donin ta ngrinin Gjergjin mes Tiranës, i shqetësuar Jakomoni i shkruante urgjentisht Çianos. Dhe konti Çiano Musolinit dhe Musolini Jakomonit: "Më mirë duart lart t’i ngrinit nëse këtë s’do ta sfidonit. Daljen në skenë të Skënderbeut ta sprapsnit me çdo lloj mënyre, më mirë e ngremë pranë Koloseut sesa të flasë … Vazhdoni leximin e Monumenti

Isa Boletini

Fushë-Kosova desh një mal, me Korabin tok të rrinin dhe mbi djep të saj u ndal, rriti Isë Boletinin. Dhe kur nxin e bubullin mbi Danub e mbi Ballkan, balli i burrit Boletin brof e bubullimat mban... Koçi Petriti Lulëkuqet (1985) ------------ VARIANT: Baladë për Isa Boletinin (Poezi të zgjedhura; 2006)

Lulëkuqet

Nga cila zemër këtu ju keni mbirë te kjo lëndinë, anës gjoli, ç’njeri me plagë u zvarris për të pirë e ra përmbys buzë ujërave e më s’foli? Se ndërsa skuqni mbi këtë tokë të vlagët si kupa buzësh që kaltërsinë pini na bëni të mendojmë se ju veçse nga plagët, nga tjetër gjë nuk … Vazhdoni leximin e Lulëkuqet

Vallja gorare

Me një shtyrje gjuri ngjitet, me një thyerje gjuri zbret, sikur ecën nëpër vitet e çon historinë e vet. Me çdo palë fustanelle fllade mbledh, furtunë përcjell, herë muros një mur kështjelle, herë përkulet, lule mbjell. Sa shpalos një shenjë shamie nga mëngoret e mëdha, del një re thëllëzërie, sikur plot me zogj i ka... … Vazhdoni leximin e Vallja gorare

Lisi

Pat parë kungulli hardhinë përdredhur pas një lisi, dhe hop mbi gardh e bot mbi shpinë t’i ngjitet lisit nisi. Dhe kur në majë u ngjit me vrull, e ndjeu veten mbi fron, sa vjet je ti, i tha fodull, që përmbi botë rron? Ke qindra vjet me gjithë hardhinë dhe paske këtë shtat? Shih … Vazhdoni leximin e Lisi

Shqiponjat

Kishte ardhur nga dhera të tjera më i egri armik ndër armiq siç vjen dimri e hyn tek pranvera siç vjen gjarpri e shkel mbi iriq. Kur mes tyre u shfaq majë kalit pa se syri asnjërit s’iu tremb, ata shihnin në shpatull të malit një shqiponjë që sillej mbi shkëmb. Ata shihnin drejt shpendit … Vazhdoni leximin e Shqiponjat

Poezia

Tani kam njohur shumë njerëz dhe kë kam shok e mik e di e s’hesht siç hesht njeriu-lavjerrës, kur hesht mik zembereku i tij! E di ç’kërkon prej meje koha, e di dhe ajo ç’marr unë prej saj, nëse me tjetër varg s’e ngroha jemi të dy fajtorë pa faj! Mbi gurët ku më shkeli … Vazhdoni leximin e Poezia

Dhimbja e poetit

Nga dhimbja ime dalin zogj, skifterë hapësirash e ç’kam në zemër e shkërmoq në copra xhevahiresh. Se copra xhevahiresh ndaj me vargun tim blatonjës e pasuri për vete mbaj veç pendën e shqiponjës. Koçi Petriti Të dashurova ty (1988)

Gratë

Në ndodh të grindemi me gratë, kjo ka një shkak universal që jeta s’është as muaj mjalti dhe as piknik e festival. Por po të flisnim veç për grindje, pa çmuar dashurinë për to, do të ish një lloj sikur në lindje të dilte hëna                 e dielli jo... Koçi Petriti Të dashurova ty (1988)

Bishti

Dhe s’kishin mall për punë dhe ngroheshin më nge e tjetrit bisht i vunë, një bisht që askush s’e sheh. Ia zgjatnin, ia shkurtonin, pas shpine sigurisht, e njëri-tjetrin shponin: Shiko, se ç’bisht, për Krisht! Ata që mendjen s’vranë të dinin qysh e pse, ky meritoka, thanë, t’i varin teneqe! Nxitonte tok me ditën njeriu … Vazhdoni leximin e Bishti

Mall

Udhëve të Korçës veç dëborë bie, jo s’qenka dëbora, po mall fëmijërie, sikur të mos ishte kjo dëborë malli do t’isha i vdekur, ndofta që së gjalli... Koçi Petriti Të dashurova ty (1988) ------------ VARIANT: Udhëve të Korçës veç dëborë bie (Lirika; 2010)

Një tufëz bar

Një tufëz bar me brishtësinë e barit, një tufëz bar i butë si gëzof, ka mbirë ku shkel këmbë e kalimtarit dhe unë rri mendoj si filozof: Pa shih, kjo brishtësi e butë, asfaltin çau për dritë e kaltërsi, eh, ç’mund të bëjë me këmbëngulje e luftë njerëzimi i tërë i ngritur për liri! Koçi … Vazhdoni leximin e Një tufëz bar

Lokomotiva

Në ndodhtë                         të dremit,                                               të fle e s’ndiej                     si pulsi                                     i kohës rreh, ti shkundmë                       … Vazhdoni leximin e Lokomotiva

Dashuria

Ish një vajzë                    e ish një djalë, vajza e donte                      e djali e donte, po Shkumbini i madh me valë i kish ndarë e s’i bashkonte. Dhe thërrisnin:                         Ooo, të dua, po kjo klithmë e lashtë fjalësh u dëgjohej:                 Jooo, s’të dua, nëpër thashetheme valësh. E humbisnin të dy shpresën e shpresonin prapë më tepër, … Vazhdoni leximin e Dashuria

Ky popull

Të na shkulnin me gjithë rrënjë                                                     na e bënë benë, po ky popull s’është koka e Ali Pashë Tepelenës, ky popull nuk shkulet,                                     nuk mbartet mbi shpinë as nga shekujt që shkuan,                                           as nga shekujt që vijnë. Koçi Petriti Firma e popullit tim (1974) Lulëkuqet (1985)

Këngëtari meskin

Këngën e zhabave                              këndon bota e tij lirike në pellgun                 e një ëndërrimi                                           shterp                                                       e bastard, që stepet edhe nga gëlasa … Vazhdoni leximin e Këngëtari meskin

Motiv i shkuar

Pas frëngjive u treta, pas qelqeve plasa, rrëmbemë, o bir trimi, larg nën sqetull! Kam parmendën mbrehur dhe më ze bar brazda, moj shamigremisura mbi vetull! Brazdën ta hap unë, vetëm bëmë grua, nënë trimash bëmë! Ty po të rrëmbeva, më gjakosen duajt, shtrirë si jetima nëpër lëmë! Krah të bëhem unë, sy të bëhem … Vazhdoni leximin e Motiv i shkuar

Kombajnerja e parë

Zbriti ajo,              u zgjati dorën,                                 i përshëndeti me radhë, kish dorë të zakonshme,                                     përshëndetje të zakonshme,                                                        … Vazhdoni leximin e Kombajnerja e parë

Golomarja

(baladë) Gruaja e Sofrës nëna Golomare ish dhe shtëpiake, ish dhe luftëtare. Gatuante te Sofra bukë për burra moti dhe të ngrohtë ua çonte djemve te Sopoti. Foshnjën lidhur djepit hidhte përmbi shpinë, gjurmën buzë shkrepit, hijen mbi greminë. Turravrap kalonte nëpër pyje e vreshta një hap te Pishkashi, tjetrin te Bërzeshta. Një hap te … Vazhdoni leximin e Golomarja

Ura e Bushtricës

Unë i shoh gjith’ urat nga ura e Bushtricës: ja ur’ e Qabesë, ja e Drashovicës. Sa herë që prek urën, vjen që thellë tabanit klithma e nizamëve, krisma e partizanit. Ura sheh mbi kohrat që djemtë peng i mbanin, pastaj zbrisnin korbat sytë e zes t’u hanin. Nën Qabe ka eshtra, mbi Bushtricë ka … Vazhdoni leximin e Ura e Bushtricës

Balladë liqeni

Në mëngën e gjolit, ku çurkat shpesh vijnë, Marr grepin dhe pres fillikat, Kur hëna, si vajzë që fsheh me turp gjinë, Lëndinat me nur i spërkat. Kli-kliu, kli-kliu me britma të brishta Këndesk’ e kënetës këlthet, Kalimthi shkund shapka shavar e shelgjishta, Un’ ëndrat mes ujrave tret. Sa bëj të hedh grepin mbi faqen … Vazhdoni leximin e Balladë liqeni

Këngë suljote

Gjoli me gishtrinjt’ e erës Leshrat-dallgë ngre. Dallg’ e gjolit plot potere Rreh kalanë, rreh... Brënda, lidhur këmb’ e kokë Hesht “rebeli”, hesht. - Hej, harbut – halldupi thotë, Ë, s’të shtyp si plesht? Katër hapa larg prej robit Pret suljoti tjetër, Katër sy, si pend’ e korbit, Nxijn’ e shkrepin egër... Katër vetulla të … Vazhdoni leximin e Këngë suljote