Baladë suljote

Gjoli me gishtrinjtë e erës Leshrat-dallgë ngreh. Dallg’ e gjolit, mes poterës, Rreh kalanë, rreh... Brënda lidhur këmb’ e kokë Hesht rrebeli, hesht. Pasha e mban nën gjunjë e thotë: E, s’të shtyp si plesht? Katër hapa larg prej robit Pret sulioti tjetër, Katër sy si penda e korbit Nxijnë e shkrepin egër. Katër vetulla … Vazhdoni leximin e Baladë suljote

Gardiani

Akoma s’ish krijuar shteti me burg e me bashki, akoma s’ish sajuar mbreti, as ligji i sertë i tij. Megjithatë një farë hapsanë, një odë kulle u gjet, ku tre vëllezër mbyllur janë e s'dihet ç'fund i pret. E shkallët ngjit e zbret gardiani, e kyçet brezit mban, e thith prej tyre tym duhani e … Vazhdoni leximin e Gardiani

Pema nën diell

Pema nën diell maje kodrës, vetëm, e bardhë, e bardhë e vetëm. Degët e saja janë dejë, degët e saja përgdhelin qiellin me gishta e qielli lëshon dritë. Gjarpni mbi rrasë nxehet me sy të mbyllun si t'ishte tue ndëgjue muzikë. Tash jam i qetë. Trupi i pemës -- kamba e malsorit në tirq të … Vazhdoni leximin e Pema nën diell

Mes shëngjergjave

Nepër palcin e eshtnave ndij frymën e vdekjes. Për rreth digjet ajri e shikimi tret në udhën e pa skâj. Më dhimben vetëm sýt: do të shohin dhambët e amshimit tue u mbyllë përpara. Martin Camaj Lirika mes dy moteve (1967)

Kënga pleqërishte

O këngë pleqërishte! Ti vjersh' e Vëndit t'em! Ti fjalë që më dhimbsesh e që më bën ujem! Tashi jam dëshëruar së largu të më vish: Dëgjoju, as dëgjoju! moj këngë pleqërish! ....................................................... ... Në hije të kasolles që nxin atje mi mal, J-a nis me zë të shtruar... j-a mer me dal-nga-dal... J-a thua … Vazhdoni leximin e Kënga pleqërishte

Eja, motër

          I. Kur vjen të múgëtit e qetë Që nëpër pyj e nëpër male, Në shpirtin t'im pushon çdo jetë E bije nata me-nga-dale. Ahere çduket yll' i ditës T'u dredhur héshtazi në natë, Dh'e mbyll vështrimin vetëditës Prej hapësirës së pamatë. Sesi m'a nxin, o! dashurinë. - ... Po dita shuet, dita ndezet, E … Vazhdoni leximin e Eja, motër

Shqypes arbnore

Nalt përmbi re, mbi qeta Shndritsa për bor’ amshore, Porsi ‘j vetimë, si zhgjeta, Me flatra fishkullore Sielle ndër thepa e shita, Shqype, t’aguemit drita. T’ kaltërt e qiellës mbi krye, Hyjzit ke shokë, që shndrisin Si gur t’ paçmuem, e ty Petkun t’ nusisë t’ qëndisin. O e bardha natë, ku dijen Shprazi nji … Vazhdoni leximin e Shqypes arbnore

Vjollcës

Manushaqe, Që po knaqe Mshehë ndër ferra Ku s'shef kend; Ti nuk dite, Moj orëngrite, Me e mshehë vedin Përnjimend; T'tradhton era Që prendvera Botës ia hapi Anekand; Tash shtegtare Njeti bare. Bore, e mjera, Shendin tand. Ndre Mjedja Vepra letrare 1 (1988)

Andërr

Pezull prej qiellit fluturote e shkreta E si dielli n'mjesditë rreze shpërdake; Engjëll ndër cucat o nji çikë giake Që veç qielli numron ndër valle t'veta. Arit i kishte flokët, e kish si zhgjeta Dritën e syve e mollzat rrumbullake, E buzët e vocrra me të njyeme gjake, Që kur i pash' krejt i mahnitun … Vazhdoni leximin e Andërr

Loti i zi

Lot i zi, o lot i dertit, lot i dertit të kurbetit, i ra zogut, u bë qyqe, i ra pajës, nxiu sëndyqe, i ra djepit, e guroi, i ra gurit, e thërmoi, i ra malit, e anoi, i ra zemrës dhe duroi. Koçi Petriti Lirika (2010)

Lirika e majit

Thonë maji qenka çapkën vetë, thonë se në maj as pleqtë s’kërrusen, ndaj i fsheh bilbilat nëpër fletë, të përgjojnë çiftet kur të puthen... Thonë maji qenka çapkën vetë, mik i kaltër, shpend i hapësirës, ndaj i niska vajzat larg me djemtë, e nën shelgje i zhveshka pas dëshirës. Thonë maji qenka çapkën vetë, në … Vazhdoni leximin e Lirika e majit

Vate prilli

Vate prill' i trimërisë, Më zu maj i dashurisë. M'u shti vashëza në gjumë, E-ëmbla-mi-shoqe-shumë. Do t'a mar t'a kem për fare Moj lesh-verdhën-lozonjare. Ah! lesh-verdhëza-si-ftua, Gji-mburuara-si-krua, Shtat-lëkundura-pallua Ç'më ka përvëluar mua. Lasgush Poradeci Vdekja e nositit (1978)

Mahmud Pasha

në Mal të Zí N’ kamb’, o Shkodrë, o nan’e drangojve Lé prei grykës t’ martinës, prei çelikut ! Maje bjeshkve, nder shqype, e n’ fund t’ shtojve, Kû buqari shqytár avullon,         Qit kushtrimin : o Lekë, kundra anmikut Me nji hov, me nji zemrë permblidhn’ju ; Pertè Cemin si j nieri t’ tanë hidhn’ju … Vazhdoni leximin e Mahmud Pasha

Mustaf Pasha

në Babune E prâne vallet nder male unjî, E ushtima e pushkve nder lugje mêjti ; Nder festa e t’ kreme n’ fush’ e n’ malcí                         Burrnimi u dêjti ; E djerr â toka : krrut nder livadhe Shkon kau, e avllin qi del prei arvet Érton, e nepet per stinë të madhe,                         Per rreth … Vazhdoni leximin e Mustaf Pasha

Syt’ e lumtur

Ishe vogëloshe... isha mituri... Kur më dole mbudhë, ti moj lumja ti! Vinte perëndimi më të vagëlluar Pa m'i shtire tinës ata syt' e shkruar. Ata syt' e shkruar, sytë moj të fjetur, Shtatë vjet me-radhë t'i kam përshëndetur. Kur më pe së pari, more-e m'u largove, Kur më pe së dyti, more-e m'u afrove, … Vazhdoni leximin e Syt’ e lumtur