Shamigremisura mbi vetull

Pas frëngjive u treta, pas qelqeve plasa, O bir gjaksi, merrmë larg nën sqetull! Kam parmendën mbrehur dhe më ze bar brazda, Moj shamigremisura mbi vetull. Shtatin ma djeg mosha, moshën ma djeg vreri, O bir gjaksi, merrmë larg nën sqetull! Hajd pra, shkojmë e rrimë atje ku rri skifteri, Moj shamigremisura mbi vetull! Koçi … Vazhdoni leximin e Shamigremisura mbi vetull

Advertisements

I tretuni

[LËNDA: p. I; p. II; p. III; p. IV; p. V] -------------         I. Me shí pshtjellun acarija Permbî bjeshkë po shungullon ; E prei maleve stuhija Ujët e détit e pervëlon. Mal e rê, porsi dy zdapa, Ngrehin luftë qi gjâ s e pret ; Gjimon moti e par’e mbrapa Mndershem rrféja po kerset. … Vazhdoni leximin e I tretuni

Giûha shqype

(Gustav Meyerit.) Permbî zâ qi lëshon bylbyli Gjiûha shqype m’ shungullon ; Permbi érë qi nep zymyli Pá dá zêmren m’ a ngushllon. Nder kómbë tjerë, nder dhéna tjera Kû e shkoj jeten tesh sá mot, Veç per tý m’ rreh zêmra e mjera, E prei mállit derdhi lot. Njikto giuhë qi jam tui ndie … Vazhdoni leximin e Giûha shqype

Shtegtari

Neper male e neper fusha Pá pushue, pá xanun vênd, Perpín rrugen si harrusha Nji shtegtár me gjith gazmênd. As katundi mâ i pelqyeshem, As gjyteti nuk e pret ; Porsi’j zog merr rrugen rrmyeshem Shpejt e shpejt per vênd të vet. Dit’ e natë thekshem tui shkue Neper dhena mbetun shkret, Kurgjâ s’ mujti … Vazhdoni leximin e Shtegtari

I mbetuni

Edhè shtâza po gazmohet, Edhè bari mungullon ; N’ shênd natyra gjith po çohet, Veç ti, i mjeri, po gjimon. Kâng’ e valle tui bashkue Shênd prei gojet gjithkush qet ; Veç i vorfni tui dertue Porsi i huej â n’ gjiní t’ vet. Tui ankue per t’ zeza t’ veta Per gjith derë tui … Vazhdoni leximin e I mbetuni

Ândrra e jetës

[LËNDA: kap. 1: Trina; kap. 2: Zoga; kap. 3: Lokja] ------------- Trina         I. Molla t’ kputuna nji deget, Dý qershija lidhë n’ nji rrfanë, Kû fillojnë kufit e Geget Rrijnë dý çika me nji nanë. Krekcë e bré perzie me lisa Rriten rrotull me çetinë, Plepa t’ but’ e qeparisa Mbëlojnë e veshin at … Vazhdoni leximin e Ândrra e jetës

Málli per atdhé

Nder njikto vênde per bukurí Dhén t’ êm i shuemi jam tui dishrue ; N’ gjytete t’ hueja, porsi n’ shkretí,                                     Rrij tui gjimue. Â e bukur fusha kúr çilë prêndvéra, Lulzim ká kopshti kúr lulet dalin ; E drandofilles nder fushë tret’ éra         … Vazhdoni leximin e Málli per atdhé

Lissus

[LËNDA: p. I; p. II; p. III; p. IV; p. V; p. VI; p. VII; p. VIII; p. IX; p. X; p. XI; p. XII] -------------         I. Neper kodra të stolisuna me vneshta Kû vilet árit xhixhillojshin në dielli, E, rrotull fushen tui kaditun, prílli Edhè lulzote kúr kish hîmun vjeshta: Nder ullishta gjelbnore … Vazhdoni leximin e Lissus

Prêndvéra

Jeni lodhë, dallëndysha t’ shkreta, Jé molis’ i ziu bylbyl ; Ah ! pushoni n’ streh’ kû u gjeta, Pushò n’ kopshtë te njaj zymyl. Mbî krahë t’ uej prei dhénash tjera Ju prêndvéren na prûet këtej ; Shlodhn’ju prá, dallëndyesha t’ mjera, Rri, bylbyl, n’ lulzim qi kthej. Se qe ‘j prrue prej malit … Vazhdoni leximin e Prêndvéra

Dimni

Neper fush’ e neper male Frŷn murlani me stuhí ; O murlá, njat  frŷmen ndale, Ndal ti, o akull, mos me ngrî. Mos ma ngrini ket pikë gjak ! --- Struku, struku, i shkreti plak. Po del dimni me kosë ndórë. Gjeth e bár i ká kositë ; Qet balkoni pjalm e borë, E plak-shkreta, … Vazhdoni leximin e Dimni

Véra

 zverdhë fusha, e nder grunore Po vëlojnë korrcat porsi zogj ; Këndojnë katundcat me malcore Pá u kujtue si dielli i dogj. Veç n’ at arë, porsi nji e tretun, Zí nder petka e në ftyrë terr, Korrë nji cucë pá shoqe, vetun Me hie t’vet qi mbrapa e merr. Tjera herë ti vet’ … Vazhdoni leximin e Véra

Vjeshta

‘Dhe ju po shkoni, Bylbyla kshtû ! Po tretni këndynaj, Dallëndysha, ju ! Deken mêndova Se m’ vjen kúr do ; Se m’ lêni vetun S mêndova jo. Por, mâ fort zêmren M’ a brén nji idhnim : Çérdhet qi i lêni Kujdesit t’ im. Ndoshta, kúr t’ ktheni Mue vorri m’ mba E ju … Vazhdoni leximin e Vjeshta

Baladë për Isa Boletinin

Fushë-Kosova desh një mal, me Korabin tok të rrinin, dhe mbi djep të saj u ndal, rriti Isë Boletinin. Dhe kur nxin e bubullin mbi Danub e mbi Ballkan, balli i burrit Boletin brof e bubullimat mban. Koçi Petriti Poezi të zgjedhura (2006) ------------ VARIANT: Isa Boletini (Lulëkuqet; 1985)

Trumcakët

Çukasin, cijasin, trumcakët                                         mbi lera me tinguj të njohur, të rëndë, nuk dinë të prekin me këngë të tjera, se njohin pak qiej,                         se dinë pak këngë. Me jonet e tyre plot “ah”-e trishtimi, cijasin, thërrasin te xhami, thërrime kërkojne kur derdhet thëllimi, po njerzit s'u thonë: Na hani, mos qani! S'u thonë, s'u hedhin, … Vazhdoni leximin e Trumcakët

Vajzë që i zbulohesh detit

Vajzë, që i zbulohesh detit dhe i fshihesh mëkatit, Kanë për t'u grimcuar eshtrat e tua një ditë, Lëri të lozin rreth meje vallen e çmendur të shtratit, Vallen që errëson shëmtitë e bukuritë. Koçi Petriti Lirika (2010)

Zoteshë

Zoteshë, dy krena gjarpijsh ndër vllâj gjij tú, qyshse vetdijse për hijeshinë tande sadefi përbuze përvujtninë e vjollcës. Dashnore e lilit të paçelun, mëkati yt po të mbyt përditë pse korpin tand të rrezitun don me e pá në pasqyrën e hanës, pse do me u bâ sinòr mes diellit e njeriut. Martin Camaj Lirika … Vazhdoni leximin e Zoteshë

Ti që ke nxanë prej meje

Ti që ke nxanë prej meje me shijue, sende të pjekuna mirë, mos e ul buzën ndër mana toke! Mësò me kërkue pemën që vjen mbas gjethve të njomë, që vjen prej luleve mbasi të lidhin. Martin Camaj Lirika mes dy moteve (1967)

Balada e urës

Ish një vajzë e ish një djalë, vajza e donte e djali e donte, po Shkumbini i madh me valë i kish ndarë e s’i bashkonte. Dhe thërrisnin: Oo, të duaa! Po kjo klithmë e lashtë fjalësh u dëgjohej: Joo, s’të duaa! nëpër thashetheme valësh. E humbisnin të dy shpresën e shpresonin prap më tepër, … Vazhdoni leximin e Balada e urës