Dimër

Rënkojnë drurët,                 bora çaplon degët, tufani hungurima ujku mbyt; e la Danubin ngrirë pata e egër, sorkadhja s’kruhet më pas trungut shyt. Koçi Petriti Poezi të zgjedhura (2006)

Rrokullisja

Pat parë kungulli hardhinë përdredhur rreth një lisi dhe hop mbi gardh e bot mbi shpinë t’i ngjitej lisit nisi. E kur në majë u ngjit me vrull e ndjeu veten mbi fron, sa vjet je, lis, i tha fodull, që përmbi botë rron? Ke njëqind vjet me gjith hardhinë e paske këtë shtat, shih … Vazhdoni leximin e Rrokullisja

Melodi e këputun

Melodi e këputun - lot i kjartë nga syni i një grues së dashun… andje e përplasun, xhevahir i tretun, një andër e shkelun, buzë e paputhun në melodin' e këputun. Nga vaji i heshtun shkunden supat e xhveshun, verbojnë nga zbardhimi… e therë, therë hidhnimi për çastet e rrëshqitun, për fatin e hikun, për … Vazhdoni leximin e Melodi e këputun

Vetmia

Më pak mërzitja që vetmia më sjell, përbuzja, urrejtja të gjith’ sendet m’i mbështjell dhe kam shumë anmiqë të ligë në këto sende pa shpirt. Nuk flasin. As sy s’kanë. Po mue më bahet se aty janë vetem që të më plasin zemrën. Së paku të më shajnë: - I mallkuem! Së paku të më … Vazhdoni leximin e Vetmia

Shpirt i ri

Shqyponjë me krah të thyem! Vall shpirt i plagosun! Shpirt! aht i kulluet! dhimbë gjoksi të brengosun! Vall shpirt i therun... fli e një lterit të ri, vaj' i një skamnori, të vllaut që heq zi; shqiponjë me krah të thyem! Vall shpirt i molisun! Qëndro! Qëndro krenarë! mu si një zot i stolisun me … Vazhdoni leximin e Shpirt i ri

Mbramja në Nord

Eci e eci e gjeti blerimin. Tingujt e kumbonareve lanë pishat e bredhat e shkuen me bujtë në qiell. Qetsija e syve t'kaltër rrokulliset nepër pullaze t'thepisun e bâhet pasqyrë e dritave të kandilave të shekullit t'kaluem. Eci e eci muzgu me plaçka në krah e para se me hy mbrendë, e uli barrën skâj … Vazhdoni leximin e Mbramja në Nord

Dallëndyshe

Së pari pak m'u lodhën sytë së pari pak, së pari pak, se s'pashë dot një mal të dytë,         përballë mal, bunker përqark. Ah, të jem djalë! thashë e qesha, po qeshja ime pikoi gjak, të kapërxej ylberin desha,         përballë mal, bunker përqark. E nga që dot pas teje s'renda, moj dallëndyshe që … Vazhdoni leximin e Dallëndyshe

Lulekuqet

Nga cila zemër këtu ju keni mbirë te kjo lëndinëz anës gjoli, ç’njeri me plagë u zvarris për të pirë e ra përmbys buzë ujrave e më s’foli? Se ndërsa skuqni mbi këtë tokë të vlagët, si kupa buzësh që kaltërsinë pini, na bëni të mendojmë, se ju veçse nga plagët, nga tjetër gjë nuk … Vazhdoni leximin e Lulekuqet

Kur Plakun e pyetën

Kur plakun Butkalli e pyetën, ku gjeti aq zemër për aq shumë të vrarë, ai, për të dëshmuar të vërtetën, përballë zotërinjve konsullarë, nga xhepi i brendshëm i xhaketës nxori një doçkë të përzhitur fëmije dhe ua lëshoi sipër tryezës, si aktakuzë e bërë prej Shqipërie... Koçi Petriti Balada (2010) ------------ VARIANT: Kur plakun e … Vazhdoni leximin e Kur Plakun e pyetën

Tëmthat më rrahin

Tëmthat më rrahin,                 zemra më digjet, dua një shekull të rroj e larg n’u largofsha si ujrat nga brigjet prap ti më dhimbsesh njësoj. Ç’rëntë mbi mua,                 ç’rrjedhtë nën mua, rrjedhtë e më ktheftë tek ti, unë ç'njeri duhet dashur e dua, ty të kam Perëndi. Ç’flasim kështu,                 ç’heshtim kështu, vallë në ç’ujra po zhytem? … Vazhdoni leximin e Tëmthat më rrahin

Thëngjilli

Mbështjellë me flijimin e vetvetes përbrenda ngrohtësinë e prushit mban, në qetësinë e fjetur vdes në heshtje, kur era fryn, shkëndija nis shpërndan. Koçi Petriti Të dashurova ty (1988)

Vdekja e nositit

Me zjarr ju flas..., me zjarr. Në gjirin t'im kam hapur varr... Që t'i jap shpresë-edhe t'j-a marr... Un' ik liqerit zemërak Fatlum dh' i pastër si zëmbak, Po zemra ime kullon gjak: Se vijnë-urtuar zoqtë-e mi, Dh'u jap ushqim me dashuri - Një dashuri për llaftari: Pa nis ah! gjirin t'a godas... Dh'e hap … Vazhdoni leximin e Vdekja e nositit

Trajtat e mbinjeriut

Dityramb Nietzchean Një vegim shpirtnuer n'errsin të paskajshme në botën e mjerimit, një rreze e diellit me ngrofë zemrën e ngrime të kësaj botës së varfshme. Shpejt zhduken pranverat, posi shkumbë e detit dhe shembet hareja, e stinat e vjetra pa ngjyra, pa trajta, mjellin fara helmit. Nana-dhé vejushë dhe me gjitë shitue na pjell … Vazhdoni leximin e Trajtat e mbinjeriut

Xhelozija

Iku vida e butë në mal dhe në currat e ashpër gjet nji pllumb të egër. Në çerdhen e vjetër në shkamb puhija e ngrohtë e majit fryni e u rrqeth ndër qeta çdo lule e gjeth në kënaqsi pa skáj. Kur mbrrini mbramja vida e pllumbi fluturuen tue pru ndër krahë nji fatbardhsi prej … Vazhdoni leximin e Xhelozija

Kanga e përndimit

Kangë Përndimi, kangë njeri të dehun nga besimi në vete... Kanga e tij një fé tjetër, me tempuj të tjerë, me meshë solemne, ku prej mëngjezit deri në mbramje shkrihen ndjesitë, trutë njerzore n'apotheozën e hekurt; shpirtent pershkohen në tymore, të cilat në fishkllim i përqeshen zotit të vjetër edhe qiellit e me ré të … Vazhdoni leximin e Kanga e përndimit

Ekstaza pranverore

        … dhe pranvera erdhi… Nepër ftyra tona rrëshqiti një gëzim dhe ndër zemra tona ngrehi një folé e një jetë e bukur, e një jetë e ré me dëshira të shumta po buzqesh në lulzim.         … dhe dallndysha erdhi… si shpirti n'ekstazë, në hovin e shejt shtri, me qiellën rroket, me diellin puthet, dridhen krahët … Vazhdoni leximin e Ekstaza pranverore

Vuejtja

Ka do dit që po shof fare mirë se si nga vuejtja syt’ po më madhohen, nepër ball dhe ftyrë rrudhat po më shtohen e si buzqeshja m’asht e hidhun… … dhe po ndij se si mëngjezet e mija nuk janë ma mëngjeze hovi e pune, as ndertimi, por të shtymt dita më ditë e … Vazhdoni leximin e Vuejtja

Vallja e përjetësisë

(lënda dhe jeta) Lëndë-e thjeshtë, lënd' ujem, Pata qënë, do të jem. Rëndë-e fellë-edhe përjetë, Jam çudi si kursesi... Marr të rëndët që përdhè. Marr të fellët nënë dhè. Po që Lart prej Qënies vetë Marr e jap përjetësi. Lasgush Poradeci Vdekja e nositit (1978)

Një tufëz bar

Një tufëz bar                 me brishtësinë e barit, një tufëz bar, i butë si gëzof, ka mbirë ku shkel këmba e kalimtarit, e unë rri mendoj si filozof: Pa shih,         kjo brishtësi e butë, asfaltin çau                 dhe e shkelur përsëri me ç’primitivitet bën luftë apo për ç’qytetërim po bëhet fli? Koçi Petriti Poezi të zgjedhura (2006) … Vazhdoni leximin e Një tufëz bar

Korbat

Në fushën e bardhë,                 ku shfryn erë e rreptë, më fort tufa e korbave nxin, siç duket, natyra s’i do korbat vetë, pa shtroka mbi tokë qefin... Koçi Petriti Lirikat e majit (2002) ------------ p.s. Në variant tjetër, njihet me titullin “Peisazh”.