Poeti qënka shpesh si femra

Poeti qënka shpesh si femra, sojlleshë prej sojsëzëve lakmuar, vargu i vërtetë i del nga zemra, tjetrin ia pjell mitra e përdhunuar. E nën censorë - cerberë të kuq, pesëdhjet vjet, o Zot, të rrosh në pyll mes horrash ujq, a mbetesh virgjëreshë dot? T’i qepkan buzët si qefinin që brënda mbyll të gjallin, nën … Vazhdoni leximin e Poeti qënka shpesh si femra

Ku shtrohet vala

(romancë) Ku shtrohet vala përmbi zall E fryn një këng' e pakuptuar, Të pashë, motër, plot me mall, Më pe më shpirt të llaftaruar. Q'ahere silleshim më nge Gjith vet-i dytë, vet-e dytë... Dh' i shtinja sytë gjithë përdhe - Gjithë përdhe m'i shtinje sytë... Po me t'u ndarë vet e vet, Më s'kishim turp … Vazhdoni leximin e Ku shtrohet vala

Vajzë me faculetë në krye

Vajzë me faculetë në krye, s'e din askush si ballin e ke të gjanë e vetullat e holla. Vajzë me faculetë në krye, flokët tu, vetëm, e dinë shtypjen e barit të njomë prej borës e peshën e dëshireve të pashfryeme të brêznive të pështjelluna në mote t'verdha. Martin Camaj Poezi 1953-1967 (1981)

Lidhje e paçkëputur

Ti moj Engjëll, moj Shejtane, Moj Zambak e moj shafrane, Ti më dehe të papirë Me tufan e me farmirë; Moj kurbatkë katarroshe, Moj sarhoshe kokëboshe, Më përpjek qoshe më qoshe; Me zinxhir po më zvarnis, Më shastis e më bezdis, Më kërdis, më çakërdis; Ti ma syrgjynose gjumin, Ti më mbylle në budrumin, Ti … Vazhdoni leximin e Lidhje e paçkëputur

Rivalët

E fshehën prapa krahësh hënën retë, si prindër fanatikë e të padalë, ne jemi dy,                 përcjellim një të tretë, dy shokë,         sot padashur dhe rivalë. Më dysh i përndau retë hëna e zbehtë dhe shtiri sytë e bukur mbi zabel; ne jemi dy,                 përcjellim një të tretë, po nuk e dimë,                         ajo kë po përcjell. … Vazhdoni leximin e Rivalët

Je ulur fort

Kujtimi im që më s'më jep të qetë, Kujtimi im q'u llaftaris pas teje, Në qetësi ësht' iskër prej rrufeje, Në ças llaftare zjarr e flakë vetë. Çkëlqen si prush kur skëterrohen retë, Kur mall' i dhembshur ze buçet ndaj meje. Kuptimin t' im o! ndjeje-ahere, ndjeje, Se n'atë hof m' a ndrin ah! zemr' … Vazhdoni leximin e Je ulur fort

Kanga e korrtares

Fije kallijsh kok-randë e me nji ngjyrë T'prarueme n'llanën e saj bijnë tu' u gzhatë Dhe djersa i ulet tue pikue për ftyrë Të hijshme e t'ndezët si ky grunë i thatë. Dorcat e mbushuna për anë i kqýr -- Ma t'mirat lule të nji mundi t'gjatë. -- Fëmija i vogël mbrapa e merr tu' … Vazhdoni leximin e Kanga e korrtares

Saga e Sermajesë

Jam kusar e jam beqar Dua grua pa zarar. S’kam para dhe s’gjenj para ta ble Puna duhet bërë me hile. Dal në brek: bërtas në tym karshi: “Eja pak këtej, or çelebi!” Ardhi, ia tregova meselenë; “Vem’ edhe rrëmbejmë Sermajenë!” Më dëgjoi, më pa në sy, M’u përgjegj pa një, pa dy: “Posa dashke … Vazhdoni leximin e Saga e Sermajesë

Sofokliu

Sofokliu ishte budalla, Kur u mplak, edhe Kupidi e la, Tha: “Shpëtova nga një maskara!”         Goja, pra, iu tha. Sofokliu nuk e kishte mirë: Plaku s’ka takat, po ka dëshirë. Gjalpë s’ka, po ka një pus me hirrë,         Furrë dhe trazirë. Kam Ferid Asllanin si shahit, Tetëdhjet’ e pesë vjeç ashik: Amerika, Evropa u çudit, … Vazhdoni leximin e Sofokliu

Anës lumenjve

Arratisur, syrgjynosur, Raskapitur e katosur, Po vajtonj pa funt, pa shpresë, Anës Elbës, anës Spree-së. Ku e lam’ e ku na mbeti Vaj vatani e mjer mileti, Anës detit i palarë, Anës dritës i paparë, Pranë sofrës i pangrënë, Pranë dijes i panxënë, Lakuriq e i dregosur, Trup e shpirt i sakatosur! Seç e shempnë … Vazhdoni leximin e Anës lumenjve

Syrgjyn-vdekur

(Elegji për Luigj Gurakuqin) Nëno moj, mbaj zi për vllanë, Me tre plumba na i ranë, Na e vran’ e na e shanë, Na i thanë trathëtor. Se të deshte dhe s’të deshnin, Se të qante kur të qeshnin, Se të veshte kur të çveshnin, Nëno moj, të ra dëshmor. Nëno moj, vajto, merr malin, … Vazhdoni leximin e Syrgjyn-vdekur

Jepni për Nënën

Ç’thotë ajo e ve e gjorë, - Mbretëreshë pa kurorë - Faqeçjerrur, leshlëshuar, Shpirt e zemër përvëluar, Gjysm’ e vdekur: “O Shqiptarë, Nënës mos ia bëni varrë!”         Mbahu, Nëno, mos kij frikë,         se ke djemtë n’Amerikë! Qan e lutet Nën’ e mjerë, Kërkon vatrën edhe nderë, Do lirinë dhe atdhenë, Si ç’e pat me Skënderbenë. … Vazhdoni leximin e Jepni për Nënën

Hymni i Flamurit

O Flamur gjak, o Flamur shkabë, O vënt e vatr', o nën' e babë, Lagur me lot, djegur me flagë, Flamur i kuq, Flamur i zi! Fortesë shkëmbi, tmerr tirani, S'të trëmp Romani, as Veneciani, As Sërp Dushani, as turk Sulltani, Flamur i madh për Vegjëli. Flamur që lint Shën Kostandinin. Pajton Islamn' e Krishtërimin, … Vazhdoni leximin e Hymni i Flamurit

Shën Pjetri në mangall

Fryn e shfryn veriu, Ngrin, mërdhin i ziu Dhe mangallit i afrohet                 Që të ngrohet. Krishtin brënda e gjykojnë Dhe pas ligjës e dënojnë, E goditin dhe e shtyjnë,                 E pështyjnë. S’del askush që ta shpëtonjë; Roma do ta kryqësonjë, Triumfon Legaliteti                 Dhe Laneti. Kur e rrahin dhe e tallin Pjetri ngulet mi mangallin; Kur … Vazhdoni leximin e Shën Pjetri në mangall

Tregimi i arbnit

Më thà nji arbën vllaznisht, pa më njohtë: "Gurt, eshtnat e dheut, kudò i kam kapë Ndër duer e m'lanë përshtypje të ftohtë Si prekja e gjarpnit kulaç në vapë, Por guri i caranit n'votër tim èt Qe prore i nxetë. Rrasat, si akull në brijat e malit M'u duken tue i vrejtë dikur kundruell … Vazhdoni leximin e Tregimi i arbnit

Si të të nxjerr prej vjershave të mia

Si të të nxjerr prej vjershave të mia, ku ti hajdutërisht s’ke hyrë. si n'atë shtrat, ku t’iku çupëria, të delje s’deshe e tjetra të pat shtyrë? Si të të nxjerr? Ti hyre gjer në çmëndje, pa ty më mbeten vjershat krejt gërmadha e s’di sesi je shndrruar në një dhëmbje e drithmë e klithmë … Vazhdoni leximin e Si të të nxjerr prej vjershave të mia

Kur në flakë

Kur në flakë të qiririt ze mendohem net-për-net Dh'e ndjej shpirtin e kulluar nëpër dritën që më tret Prej skëterrës së pa mate më del bot' e endërruar, Vetëm ti, o im-e dashur, net-për-net më ri larguar. Po çdo ëndër që më çfaqet prej skëterrës së pa fund, Çdo mendim i llaftaruar që më dhemb … Vazhdoni leximin e Kur në flakë

Marshi i Barabbajt

Allalla, o rezil e katil, allalla, Shtroni udhën me hithr’ e me shtok turfanda, Gumëzhit, o zinxhir e kamçik batërma, Lehni, laro, kaba: Hosanna, Barabba! Trathëtor, ti na nxive, na le pa atdhe, Ti na çthurre, na çkule, na çduke çdo fe, Varfëri, poshtërsi, robëri ti na dhe, Derbeder, ujk e derr: Hosanna, Barabba! O … Vazhdoni leximin e Marshi i Barabbajt

Hija e lisit

Dielli i rá për skíthi lisit të madh e i zbuloi nën hije eshtnat e njérit si cokla, si drû. Hija e tij â e qetë si tis mëndafshi të zi në faltore. Gjingallat mbi dega gjimojnë njíheri në vapë sikur vajtore me ftyra t'gërvishtuna n'gjamë. Kur dielli don me shkue hija e lisit rritet … Vazhdoni leximin e Hija e lisit

Natë

Ra nata.         Mbi barin e larë nga shiu antenat i nxjerr çdo kërmill, nër mezhda, ku s’ndihen më hapa njeriu, këndon karkaleci jeshil. Kallinjtë me krahë i përçik lakuriqka, mustaqja mustaqen e shtyn, mbledh bishtin nën plisa hardhucka me pika, insekt’ i padukshëm pështyn. E plepat, pojakët e natës ndër fusha, diç flasin e shpohen … Vazhdoni leximin e Natë

Një yll përjetësije

Të pashë për së pari në zi të jetës s’ ime, Nga vënd' i lumtëruar ti vinje me-nga-dal. T' a kishte ndritur udhën një valë shkrepëtime, Një fërfëllim i hënës që ngrihej përmi mal. Kùsh m' i pat hequr çapet ndaj çapeve të tua ? O, cili më drejtovi nër kaqe lumtëri ? Se ja!... … Vazhdoni leximin e Një yll përjetësije

Krishti me kamçikun

Në kështjellë t’atdheut, në tempull të fesë Janë shtruar sarafët pa shpirt e pa besë, Tregëtojn’ e gënjejnë, rrëmbejn’ e sfrytojnë, Thon’ ashtu Israelin e mbrojn’ e shpëtojnë. Shtrembërojnë kanunet, i marrin në dorë, Dhe shkëlqejnë në kish’ e në fron me kurorë, Vegjëlia për ta batërdisen dhe vriten Dhe kështu parasitët gjakpirës po rriten. … Vazhdoni leximin e Krishti me kamçikun

Moisiu në mal

Ngjitet përpjetë Malit të shkretë Kryeprofeti, trimi me fletë, Të bisedonjë me Perëndinë         Për Palestinë. Arrin në majë lart i kapitur, Qëndron me frikë, pret i tronditur, Dhe Jehovaj’ i flet prej reje         Me zë rrufeje: “Ti dhe të tjerët pleq do të ngelni, Tokën e shenjtë kurrë s’e shkelni Skllevë, bij skllevësh, s’e meritoni … Vazhdoni leximin e Moisiu në mal

Thomsoni dhe kuçedra

        Te ura, te Ura,         Vraponi, o burra, Me armë, me topa, me kordh’e me shpata, Se dolli kuçedra e errët nga nata, Se ngriti bajrakun e lyer me gjak Dhe sulet prej Shjakut në Durrës me vrap.         Kuçedr’ e Turqisë,         Hyen e urisë, E rrahur nga Greku, nga Serbi e Bullgari Do gjak të thëthinjë … Vazhdoni leximin e Thomsoni dhe kuçedra

Rent, or Marathonomak!

Rent, or rent, rent e u thuaj Se u çthurr ordi e huaj, Se betejën e fituam Dhe qytetin e shpëtuam! Rent, or rent, Rent, or Marathonomak! Kap një degë prej dafine Dhe vërtitesh ndaj Athine Nëpër fush’ e brek mi brek Këmba tokën as ta prek, Hip e zbrit Petrit, Marathonomak! Ke një plagë, … Vazhdoni leximin e Rent, or Marathonomak!

Çepelitja

Isha shtruar në hajat, Çepelitja me rahat. Ajo vjen edhe më shtrohet, Pran’ edhe më pran’ afrohet. Unë çepelit e pre, Ajo sulu dhe mbërthe. I largohem me usull, Qasjen nuk e bënj kabull. Ik’ e ik’ arrinj në mur, Ajo pas e s’lë kusur. Un’ i thom: “S’e marr vesh, Mos më tall, mos … Vazhdoni leximin e Çepelitja

Plak, topall dhe ashik

Dale, moj, se kam një fjalë, Se më rrjedhin djersët valë; Dale, moj, se s’jam më djalë         Dhe më s’ecënj dot. Dale, moj, se më kapite, Më këpute, më sfilite, Prite, moj, ashikun, prite         Që të vjen me not. E arriva dhe ia thashë, Asnjë gur pa tundur s’lashë, Dhe mëgjunjazi i rashë,         Ç’u mundova … Vazhdoni leximin e Plak, topall dhe ashik

Erë trëndeline

Sesi m'ju lëndon dashurija! Sesi m'ju lëndon pa pushim! O lotët e syve të mija! O klithmëz e tingëllit t'im! Ju shoqe të kohës mitare... Mikesha... motriçka... pa faj! Ju humbtë në mjegull për fare, Dh' u solla ndër mënd e po qaj! As flak' e shkëndijës q' u shua, As syri që nxihet e … Vazhdoni leximin e Erë trëndeline

Kur nuk ndjehesh fare mirë

Kur nuk ndjehesh fare mirë (Sepse shpirtin e ke plot), Ze këndon në vetësirë Pa të derdhen pika lot. Pika lot, si pika dylli, Që të derdhen aqe shpesh, Kush qepallat nuk i mbylli... Nuku mund t'i marë vesh. Kujt s'j-u dha t'i rrahi mentë, Në shtëpi kush nuk u mbyll, Më një hov kur … Vazhdoni leximin e Kur nuk ndjehesh fare mirë