Sapo jam kthyer nga një rrugë

Sapo jam kthyer nga një rrugë e dy fëmijë i vështroj gjatë, secili ka në dorë lugë, çdonjëri ka përpara pjatë. Përballë njëri-tjetrit rrinë siç rri njeriu përballë njeriut, me të zakonshmen dhe gjeninë, që fshihet brenda çilimiut. Fle i zakonshmi a gjeniu, këtë askush nuk mund ta dijë, gjersa edhe sulltan Fatiu, më par' … Vazhdoni leximin e Sapo jam kthyer nga një rrugë

Për të fundit herë e ngjita vreshtin

Për të fundit herë e ngjita vreshtin, breng’ e ikjes larg nën gjoks më shtyp, ndjej sikur insekt e drurë heshtin kur lastar hardhie marr përtyp. Vreshtit, që ia njoh e ma njeh lotin, do ta gdhij i vetëm, veshur vesë, silueta ime horizontin si çapitje kose do ta presë. Nesër, në ç'vis tjetër që … Vazhdoni leximin e Për të fundit herë e ngjita vreshtin

Mbretërija e zemrës

Kur hapet perëndimi pas maleve përposh, Ti vjen, o motr' e ëmbël, në shpirt të më qëndrosh; Ti zbret vetëtimtare, e fellë-edhe më fellë; Në fund të zemrës s'ime fundet posi një djellë; Fundet posi një djellë që vdes në perëndim. Dh' ahere prej skëterrës ku-i humbe shpirtit t' im, Ku dyke perënduar më le … Vazhdoni leximin e Mbretërija e zemrës

S’do të dal më në muzg

S’do të dal më në muzg afër çukës, një vërsnik hundërjepur të mund, as të bie në gjurmët e shkurtës, që tërshërën me brofje lëkund. Lopve sisët kulloshër u rrjedhin, viçat ndjellin pëllitje të gjata, s’do rri më, si dikur, pas një ledhi, të pjek kungull me bajga të thata. Ç’dem, i kthyer brithyer nga … Vazhdoni leximin e S’do të dal më në muzg

Nën një varg patash ardhur nga Danubi

Mbaj mend kur mëkatova për së pari me dorën si rreth levës s’Arkimedit, u shkund prej manushaqeve nektari e unë pa mend po i vinja rreth planetit? E leq thur me kom kali e kap mëllinja si gjarpri e nuselale e manaferrës, me moshatarët mbledh e ndez dëllinja e kapërxej mbi zjarret e pranverës. Braktis … Vazhdoni leximin e Nën një varg patash ardhur nga Danubi

Kujtimi i vjeshtës

Livadhet e Shkodrës i plaku vjeshta. Malsorët po ulen prej bjeshke: qeni ec përpara, mbas tij shkon tuba e malsorja me qêth në krah. Nji vashë ndër zungtha buzë liqenit tha: "Ujë, m'a nep pasqyrën tande të këqyrem si plepi në breg e hijen e trupit tem po të fali!" Liqeni âsht i dashunuem në … Vazhdoni leximin e Kujtimi i vjeshtës

S’do ta ze më emrin tënd në gojë

S’do ta ze më emrin tënd në gojë, ndonse vjersha plot zhgënjim do thur, në atë çast që ti të më kujtohesh do t’u shtije zoçkave me gur. Do të loz si mëzi jelendritur lojën me mëngjez t’argjëndë ngjyer që shqelmon kot n’ajër brofje gërgujsh, pa e shkelur shkurtën krahëthyer. Si një re e murme, … Vazhdoni leximin e S’do ta ze më emrin tënd në gojë

Kur dalin shkëndijat

Mbi bar më kurriz ti ke rënë, guguçja mes degësh guit, një grusht me shkëndia kam zënë, mbi ballë e mbi faqe t’i ngjit. Fytyrën, që feks mes balukesh, me yje të vegjël ta mbush; e rënë prej qiellit, më dukesh këtu ku s’ka shkelur askush. Mbështeti ti gjinjtë, mbështeti mbi gjoksin që rrahjet ia … Vazhdoni leximin e Kur dalin shkëndijat

Nji vjetë

Shkove në pranverë kur kumbullat lulojnë mbi kodër e shelqet gjethen në lum. Mani n'oborr âsht pjekë si tjera herë e prroni nën shpí u thá, xhingalla mbi plep ka britë e britë e ti s'ke ndie as pá. Vjeshta kur erdh e strehët e pullazit lëshuen ujin n'oborr në kusí, unë ndeja te dera … Vazhdoni leximin e Nji vjetë

Të ritë-e vitevet të mi

(këngë) Të ritë-e viteve të mi M'a fryri fati zall më zall: Sesi çkëlqenje në stoli Kur më pat zën' i pari mall! Të ndrinin flokët posi ar T'u derdhur supës tatëpjet, E të vështronja zilitar Në sy të fellë posi det. E shtat' i-shkundur-hije-plot Aq bukuri pa shëmbëllim: Aq dhembshuri ky mall i kot, … Vazhdoni leximin e Të ritë-e vitevet të mi

Posi burbuq’ e trëndafilit

Posi burbuq' e trëndafilit që çelte-e fshehur afër nesh, Të çeli buza miturishte e më një ças t'u nënëqesh; Ahere hargu i hepuar t'a ndau përmes më dy thelpinj... E t'a shijoj me ëmbëlsirë vështrimi im që më s'm'u nginj. Tashi burbuq e buzës s'ate i riti gjëndërat së rish.... Ajo zu lëng prej lylyshtrydhjesh … Vazhdoni leximin e Posi burbuq’ e trëndafilit

Si nus’ e re

Shpirti im i dëshëruar, Shpirti im që m'u zhurit, Nga mërgim' i zemëruar Fluturoj posi petrit. Iku larg e dyke qarë Me një dhembje mun në gji, Dhe qëndroj ku mall' i parë Hesht e vdes në qetësi. Hesht e vdes - po që-me-natë Ja! tërhidhet malli im; Ja! perndritet shpirt' i ngratë Më një … Vazhdoni leximin e Si nus’ e re

Ti moj shoqe

Kur për herëzën e parë Vetë filli ti më poqe, Zura mall që s'kish të ngjarë,                 Ti moj shoqe. Zure-e sytë me dy duar E së qeshuri m'u fike, Dhe më mbete-e turpëruar,                 Ti moj mike. Oh, q'ahere dit'-për-dita Gjiri jonë u shkri në dashkë. E n'agim sa çelej dita                 Ishim bashkë. Si më dhemb, … Vazhdoni leximin e Ti moj shoqe

Dora jote ledhatarja

Dora jote ledhatarja, ësht' e zbetë si qiri. Dora jote ledhatarja lëshon dritën e dëborës. Kur t'a ndjeu magjinë-e pastër që të shtrydheshe prej dorës, Shpirti im i frymëzuar rëgëtiu në llaftari. Se me lëndë magjistare u pat bërë tul' i saj; Tul' i saj u pat gatuar me vaj ere-e brumë dylli; I dha … Vazhdoni leximin e Dora jote ledhatarja

Mbarim vjeshte

Fluturoj dhe shtërg' i fundit, madhështor, me shpirt të gjorë Dyke shkuar që me-natë sipër malesh me dëborë... Iku rënd' e i përmallshmë, dhe me sqep të ti të fortë Zotëriut q' i la folezën i trokiti mun në portë... Pra më s'duket shpes' i fatit prapa bujqësh edhe plorësh, Prapa brazdës së rëxuar hap-me-hap … Vazhdoni leximin e Mbarim vjeshte

Zog i qiejve

(Në vënd parafjale) Këng' e lasht' e vjershërisë më pëlqeu aq fare pak... Do t'j-a marr që sot e tutje si bilbil parëverak, Që nga fund' i vetëvetes do këndoj një mall të ri: Brenda tufës së junapit që mbleroj me kaq stoli, Kur po shoh ndaj ryn bilbili e sakaq ze qan nër fletë, … Vazhdoni leximin e Zog i qiejve

Udhtari

Gjithditën n'udhtim më lagu shiu i butë e në muzg drita e fshatit nga larg nuk më ngushlloi, kujtimi i drandofilles së kuqe nën diell s'm'a hoq mërzinë: kryet e gjarpnit të gëdhendun në shkop shtrëngova e fletzat i bâna zhubël e ranë përdhé. Ti nuk e din se si âsht gjumi mes frymës së … Vazhdoni leximin e Udhtari

Elegji e dytë

Mbi sukë mes currave t'bardhë ogiçi përtypet fillikàt, vetëm. Dy sy - pasqyrzat e mija te votra - janë thye prej grijës dimnore e fëtyrën teme s'do ta shoh kurr mâ. Hana mes rêve çán rrugën vetëm. Mbas rêve hija dhe mbas diellave të fikun udhton vetëm dhimba eme krahas me tê. Martin Camaj Lirika … Vazhdoni leximin e Elegji e dytë

Lulja e diellit

Kryeulun mbi murin e kopshtit vrejte udhtarin në petka të kuqe. Sa fort të dashunoi udhtari e të soditi e sytë ndër rreze iu shkrinë. Por era ty qafën e hollë të përkundi edhe ai e muer për "jo" e iku idhnueshëm për shtëpi të vet mbas malit. Pse u ndanë dashnorët pa fjalë? Lulja … Vazhdoni leximin e Lulja e diellit

Deshta nji vashë

Deshta nji vashë në shpinë e vogël rrethue n'shimshír, në shpinë e vogël me lule n'shkallë. Flutrova mbi flatrat e mallit me bletë në rrezet e para n'àjr e zemra m'u dridh e dora si thimtha zogze n'gjinin e lules, n'aroma, kur pin nektàr. Deshta nji vashë me gjakun e ndezun t'Jugut, me butsinë e … Vazhdoni leximin e Deshta nji vashë

Tingujt e parë

Pava npër qiellin e vrrinit dikúr tue kalue shum rê dhe lumejt e turbullt tue bajtun gùr e landë. Tue hy në t'shtatën vjetë ujkun e pava n'ikje me bisht ndër kambë e me veshë të çuem currek përpjetë. Shkova me njerzit e mij shtigjeve të ngushta t'malit e pata û e èt. Ndigjova ortiqet … Vazhdoni leximin e Tingujt e parë

Ti po vjen që prej së largu

Ti po vjen që prej së largu magjiplote-e dal-nga-dal. Ti po vjen që prej së largu dyke shkitur mi lëndina. Nënë thembërzat e tua përgëzohet trendelina, Shtrihet luleja mitare e zëmbakut që t'u fal. E si shkon me hap të matur më pushton një dhemshuri: Do të tretem të kullohem në kalim të këmbës s'ate, … Vazhdoni leximin e Ti po vjen që prej së largu

Syr’ i fshehur

Malli jonë q'u pat shuar, Malli-i bërë fije, Sot më gjet të zemëruar, Më pru lotë zije. Un' u ngrita që-me-natë Posi dashurija - Pse m'u lag o! syr' i thatë Në mjerim të tija? Ësht' agim tashi moj mike, Dhe ja! se ku dolla Nënën strehën venetike, Ku po mbin vijolla; Ku m'u ndes … Vazhdoni leximin e Syr’ i fshehur

Dimër

Shpirti im që sot u mbyll Dhe gëzimin m'a përzuri. Nëpër mal e nëpër pyll Zu dëbora prej qëkuri. Bjenë flokët një-nga-një Mi katundin e shkretuar. Dyke mardhur nënë të Dheri fjet e ri mbuluar. Fjet nga-dal e shpirti im, Dhe në zi pikoj si fleta, Pa më s'qit as pipëlim Tërë fisi, tërë jeta. … Vazhdoni leximin e Dimër

Poradeci

Perëndim i vagëlluar mi Liqerin pa kufir. Po përhapet dal-nga-dale një pluhúrë si një hije. Nëpër Mal e nër Lëndina shkrumb' i natës që po bije, Dyke sbritur që nga qjelli përmbi fshat po bëhet fir... E kudó krahin' e gjërë më s'po qit as pipëlim: Në katund kërcet një portë... në Liqer heshtë një … Vazhdoni leximin e Poradeci